Шапалақ,шапалақ

Шапалақ,шапалақ,

Ағашта отыр жапалақ.

Гу-гу-гу дейді,

Екі көзі домалақ.

          ***

Шапалақ,шапалақ,

Өсем гүл боп ертең-ақ.

Ата-анамды қуантып,

Боламын мен қолғанат.

          ***

Шапалақ,шапалақ,

Сүйкімді ғой қозы-лақ.

Оны балам көре сап,

Келе жатыр томпаңдап.

          ***

Шапалақ,шапалақ,

Абылай хан қатал-ақ.

Өте әділ ол бірақ,

Лақап аты Сабалақ.

          ***

Шапалақ,шапалақ,

Би билеймін бұраңдап.

Өлең оқып, ән салам,

Аямағын шапалақ.

         ***

Шапалақ,шапалақ,

Добым кетті домалап,

Ұстатпайды қашады,

Жүрмін оны қуалап.

          ***

Шапалақ,шапалақ,

Мен санаймын санамақ.

Жұдырықты ашып ап,

Бар екен неше бармақ?!

Оң қолымда бес саусақ,

Сол қолымда бес саусақ,

Қосындысы он саусақ.

           ***

Шапалақ,шапалақ,

Жүрміз өзен жағалап.

Әкем отыр жағада,

Үлкен балық аулап.

          ***

Шапалақ,шапалақ,

Менің атым Шапағат.

Еркесімі әжемнің,

Жақсы көрем шоколад.

           ***

Шапалақ,шапалақ,

Достым же күнде тамақ.

Шымыр болып өсесің,

Өскеннен соң көресің.