Іңірдегі тоғыз сауал

– Жаңбыр үркеді кімдерден?

– Тандыр кеуделерден үркеді.

– Гүлдер неге солді бұл жерден?

– Жер бетін қиянат бүркеді.

 

– Таулардың тақиясы бұлт еді,

Тақиясы қайда, қарағым?

– Аспан өз жасын сүртеді,

Табыттадық бұлттардың алабын.

 

– Күн неге шаңқиып тұрады?

– Ызғар жүрек көп қой әлемде.

– Ақ көшкін неге үйге құлады?

– Қара бояу өршіді бар елде.

 

– Іңір неге қысқа тұрады?

– Мейірбан адам аз дейді .

– Іңір неге өрмек құрады?

– Ұятыңның түбін қаз дейді .

 

– Өзендер қалай лайланды?

– Ақиқат бұлақта болғасын.

– Шернеу шар қалай айналды?

– Бақыттың іздеуде таңбасын.