Күресте

Болған жайт күресте

Әлі күн жүр есте:

Сұқ саусақ ұмтылды,

Ортан қол бұлқынды.

Аты жоқ қамданып,

Шынашақ жұлқынды.

 

Төртеуі бірігіп,

Білекке жүгіріп,

Ұстап ед шап беріп,

Өкініп:

-Қап!-дедік.

Өйткені қайрылды,

Білектен айрылды.

 

«Жеңіліп қалмақ па?!»

Қарасты жан-жаққа.

Төртеуі:

-Қосыл!-деп

Үн қатты Бармаққа.

 

Екінші қолдағы

Саусақтар қолдады.

Сөндірмей үмітті,

Барлығы бірікті.

Осылай жеңіске

Жеткізді жігітті!