Бала - біздің гүліміз!

Бала - біздің гүліміз,

Баласыз бос күніміз.

Қызықтап балдай қылығын,

Не қылса да көнеміз.

 

Шаттықпен өмір сүреміз,

Оларға қарап күлеміз.

Құшақтаса бізді егер

Соған мәз боп жүреміз.

 

Көңіл-күйін сеземіз,

Айтқанына сенеміз.

Қосылып бірге ойнасақ

Барлығын да жеңеміз!

 

Жүгіреді, құлайды,

Қапа болып жылайды.

Шығып кетсе анасы

Бес минутқа қимайды.

 

Ауырмасын еш бала,

Қуанар сонда ата-ана.

Дені сау боп өскен соң

Әлі-ақ болар ол пана!